دروس في الفيجوال بيسك ( الدرس الاول )

بسم الله الرحمن الرحيم 

اول درس انا عامله هيكون ازاي تعمل برنامج بسيط اوي وهو عباره عن لعبه بسيطه كدا 

زي لعبه بينجو لو تعرفوها ،، نتابع الشرح والصور ونشـوف كل حاجه 

الاول انا بشرح علي نسخه فيجوال بيسك 2005  لأن دي النسخه اللي عنـدي ومفيش فرق بينها وبين فيجوال 6 او 2008 كبير 

هنفتح الفيجوال بيسك 

ال ميعرفش بيتفتح منين نشرح الطريقه

start > all programs > microsoft visual ... 

وبعدين نضيف الحاجات التاليه في الفورم 

2 كوماند بتون " 2 buttons "

3 ليبل " 3 label "

1 بيكتشر بوكس " 1 picturebox "

ونرتبهم بالشكل ده 

(1)

نيجي للصوره الجايه عشان تعرفو تضيفو صوره للبيكتشر بوكس ازاي 

(2)

بعد كدا هيظهر الصوره الجايه دي 

(3)

تابع الصوره الجايه دي 

(4)

هنخلي الخصايه visible ل البيكتشر بوكس = false  واللي ميعرفش ازاي يشوف الصوره الجايه 

(5)

كدا احنا خلصنا نص المرحله باقي النص التاني اللي هوا الاكواد 

نشرح فكره البرنامج :- 

الهدف من البرنامج انك لما تضغط علي زرار " ابدأ " مكان الاصفار اللي فوق دي لو ظهر رقم " 7 " الصوره اللي في البيكتشر بوكس دي تظهر ولو مظهرش رقم ال "7" الصوره هتفضل  مختفيه ،، هنـا بقا بنحتاج الكود  عشان ننفذ الاوامر دي 

اضغط دابل كليك علي الزرار " ابدأ " ،،، زي الصوره الجايه دي 

(6)

بعد ما تدوس دابل كليك هينقلك علي صفحه الاكواد ،، شوف الصوره الجايه واكتب زيها 

(7)

وبعد ما تكتب الاكواد وكله تمام دوس علي " F5 " عشان تجرب البرنامج ولما تخلص احفظ المشروع ومبروك عليــك

والناس اللي مش فاهمه تقدر تحمل الشرح بالصور بالبرنامج بالاكواد

لتحميــل الشـرح :: اضغــط هنــا ::

Read More

برمج اّله حاسبه ( الدرس الثاني ) بالفيجوال بيزك

بسم الله الرحمن الرحيم

اهلا بيكم في ثاني درس من البرمجه بالفيجوال وهيكون عباره عن تصميم اّله حاسبه بسيطه تقدر تجمع - تضرب - تطرح - تقسم الارقام العمليات الحسابيه الاساسيه بمعني أصح وهيكون الشرح ان شاء الله علي فيجوال بيسك 2005 visual basic 2005 والبرنامج سهل في البرمجه وواضح وكله مشروح بالصور 


نبدأ بأول صوره نفتح الفيجوال بالطريقه دي ونختار كريت بروجكت " مشروع جديد "

 هنكتب اسم المشروع وندوس اوك

 هنغير اسم الفورم من الخاصيه المتوضحه في الصوره وهي ال text ونكتب زي الصوره السابقه

هنخلي شكل الفورم كالتالي الا وهو

• اضافه TextBox عدد ثلاثة صناديق نص
• واحد صندوق مجموعات groupbox 
• 4 ازرار راديو بوتون وندخلهم في الجروب بوكس كما الشكل

• عدد 3 ليبلات كما الشكل  

 نشرح الارقام الموجوده في الصوره السابقه

رقم 1 : التيكست بوكس واللي هيتم كتابه الرقم الاول فيه

رقم 2 : الراديو بوتون وهو زر المعالجه او العمليه اللي هنقوم بيها ونقدر نختار من ضرب او طرح او قسمه او جمع

رقم 3 : الجروب بوكس واللي غيرنا خاصيه التيكست الخاصه به الي المعاملات

رقم 4 : الليبل   

قم بضبط الخصائص كالتالي:

لليبلات نحدد الليبل ونختار من الخصائص كلمه text ونعدلها بالترتيب:
للأول "الرقم الأول"، وللثاني "الرقم الثاني"، وللثالث "النتيجة" 

لصندوق المجموعات نحدده ونختار خاصيه ال text ونخليها المعاملات

لأزرار الراديو كالتالي نختار من الخصائص كلمه text ونعدلها بالترتيب: الأول "الجمع"، الثاني "الطرح"، الثالث"الضرب"، الرابع "القسمة". بعد التصميم وتعديل الخصائص سيكون الفورم مثل الشكل السابق

الأن انتيهنا من مرحله التصميم اي قطعنا نصف المسافه للانتهاء من البرنامج ..

باقي مرحله الاكواد وللتعرف عليها ارجع للدرس الاول من هنا

وسيتم التكلم عنها في درس قادم خاص بها ان شاء الله 

الأن نضغط دابل كليك علي الراديو بوتون المسمي الجمع لنذهب الي منطقه الكود الخاصه به ونكتب الكود ده 

Dim x, y As Double
        x = TextBox1.Text
        y = TextBox2.Text
        TextBox3.Text = x + y    

تابع الصوره

 نشرح الكود اللي كتبناه :) 

•  السطر ده
• Dim x, y As Double
• احنا عرفنا متغيرين , يعني ايه متغيرين هقولك يعني زي س ص في الرياضه وبنمهد للبرنامج اننا هنكتب المتغيرين دول = ايه ف الفورم ال صممناه
• السطر ده
•         x = TextBox1.Text
• بنقول للبرنامج اننا عرفنا المتغير x ب انه = التيكست بوكس 1 اللي هوا الرقم الاول
•    
•  السطر ده 
•         y = TextBox2.Text
• بنقول للبرنامج اننا عرفنا المتغير y ب انه = التيكست بوكس 2 اللي هوا الرقم الثاني في الفورم
•  
•  السطر ده
•         TextBox3.Text = x + y     

• بنقول للبرنامج ان التيكست بوكس 3 اللي هو النتيجه = القيمه الموجوده في التيكست بوكس1 + التيكست بوكس2

بعد كدا دابل كليك علي زرار الطرح ونكتب الكود التالي
Dim x, y As Double
x = TextBox1.Text
y = TextBox2.Text
TextBox3.Text = x - y

والكود ده لزرار الضرب
Dim x, y As Double
x = TextBox1.Text
y = TextBox2.Text
TextBox3.Text = x * y

والكود ده لزرار القسمه

Dim x, y As Double
 x = TextBox1.Text
y = TextBox2.Text
TextBox3.Text = x / y  

  

 

 كدا انتهينا من وضع الاكواد والبرنامج جاهز للتشغيل نضغط علي F5 في الكيبورد عشان نشغله هيشتغل معانا بالشكل الجاي ده ونقدر نجربه

 

 طبعا ده مش مقياس انك تعمل شكل الاله حاسبه نفس الشكل اللي انا عامله ولكن كل واحد وابداعه وذوقه 

فكره البرنامج سهله وبسيطه ويارب تكونو استفدتم وأي استفسارات او طلبات يرجي وضعها في التعليق بدون الخروج عن صلب الموضوع

لتحميل الصور والاكواد لأصحاب النت البطئ اضغط هنا

Read More

الموضوع الشامل لازاله الفيرس من جهازك نهائي :: تجربه شخصيه مني ::

السلام عليكم ورحمه الله وبــركاتــه

الموضوع ده مخصص للناس اللي عندها مشـاكل في اجهزتها بسبب الفيروســات واللي بدورها بتسبب ان الويندوز كل شويه يبوظ وحضرتك تنزل ويندوز تاني كل شويه ،، وبرامج مش شغاله ،، وحاجات مش راضيه تتسطب ،، والعاب بايظه ،، الخ ،، كلنا عارفين اضرار الفيروسات

انا كنـت واحد من الناس دي كان جهازي مليان فيروسات وكل ما اشغل الانتي فيرس ويمسك الفيروسات الويندوز كان يقع 

طبعا مشكله كبيره المهم هنتكلم عن حلول المـشكله دي وازاي تتخطاها ... والموضوع مش منقول ومش هتلاقيه علي النت ف أرجـو ان محدش ينقله بدون ذكر المـصدر

انا هتكلم وهشرح حته حته وبطريقه مسلـيه عشان محدش يزهق من الـشرح ولازم يكون بالك طويـــــل :-D

نيجي للمشاكل وطريقـه تفكيرك ليها وانك فاكر ان كدا المشكله اتحلت 

برنامج كـان شغـال الاول وبعدين وقف فجأه وبطل يشـتغل ؟

هتقولي اكـيد فيرس ، هقولك تمام

هقولك عملت سكان علي الجهاز ؟ هتقولي اه عملت ولما مسحت الفيرس الويندوز وقــع 

هقولك اسباب الفيرس دي إيه هيـا وجات منين 

1- انك جبت نسخه ويندوز من واحد صاحبك أو جارك او اي حد والسي دي عليه فيرس اساسا ، يعني انت بتنزل الويندوز بالفيرس بتاعه 

2- جبت فلاشه أو ريــدر ومعملتش عليها سكـان 

3- نزلت حاجات من مواقع غير موثوق فيـها 

المهـم عشان مطولش عليكو وتزهقو اكتر من كدا نبدأ في الحلول :-D والبرامج 

نبدأ بالحاجات الـمطلوبـه 

1- تشتري سي دي ويندوز جديـد ( هتلاقيها من 3 ل 6 جنـيه مش غاليه يعني )

2- تنزل البرامج اللي ف اخر الموضوع بعد ما تشوف شرحها 

3 - تعمل كوبايه شاي عشان القعده بتاعتنا هتطول شويه :-D

اول بـرنامج وهنحتـاجه اسـمه Dr web 

:: ايقونه البرنامج ::

:: صوره البرنـامج ::

طريـقه تشغـيل البـرنامج كالاتي :-

عشان تضمن انك تشغل البرنامج بطريقه سليمه بعد ما تنـزله هتعمـل الاتي بالترتيب كدا

1 - تعمل ريستارت للجهاز 

2 - والجهاز بيفتح خليك دوس علي F8 

3 - بعد ما هتدوس F8 هيظهر قايمـه هتختار منها Safe Mode 

وتسيب ماتختار ال safe Mode الجهاز هيطلع شاشه سودا ومكتوب فيها كلام استني لحد ما يخلص ويفتح عادي 

بعد ما يفتح ويجيب سطح المكتب (Desktop) هيجيلك رساله فيها Yes و No بيقولك فيها انت عايز تستمر في وضع ال Safe Mode ولا لأ طبعا هنختــار Yes 

هتلاحظ ان ف وضع ال Safe Mode ان الثيمز مش موجود وده لأنه بيشغل الحاجات الاساسيه في الجهاز وبس 

المهم نروح لبرنامج Dr web ونفتحه

هيظهرلنا كدا 

هنختار اول واحده زي مافي الصوره كدا وندوس علي علامه المثلث النايم اللي هيـا Start هتلاقو تحت صوره البرنامج علي ايديكم اليمين 

وهنسيـبه مع نفسه لحد ما يخلص وتكونو خلصتو الشاي :-D

وبعد ما نخلص اول مرحله نختار التانيه والتالته عشان نكون عملنا سكان علي الجهاز كلــه وهو هيمسح الفيروسات لوحــده ولو في اخطاء في الجهاز البرنامج هيصححــها 

البرنـامج خلص خلاص وكل حاجه تمام ، طبعا بعد ما تخلص هتعمل ريستارت وتفتح الجهاز عادي جــدا 

هتلاقي حاجه من ال2 ، الويندوز وقع أو فتح ولسه البرامج مش شغــاله هقولك احنا كدا عملـنا نص الشـرح نيجي بقا للنص التاني

فاكر لما قولتلك اشتري سي دي ويندوز جديــد ؟! هنـا بقا دوره 

هتنزل حضرتك الويندوز ويفضل يكون Service Bk 2

بعـد ما تنزله مباشره  ويجيبلك سطح المكتب هقولك استني واوعي تضغط علي أي حاجــه !!

روح علي قائمه Start وافتح منـها My Computer واوعا تدوس علي اي حاجـه دابل كليك عشان فيرس الاوتورن ميشتغلش في الجهاز ومجهودك يضيع علي الفـاضي

 :: صور توضيحيه ::

بعـد ما ماي كومبيوتر يفتـح اعمل زي الصور الجايه 

:: صور توضيحيه ::

 الصورتين اللي فاتو دول بيشرحو ازاي نظهر الملفات المخفيه والسوبر مخفيه ( ملفات النظام المخفيه )

بعـد كدا افتكر اني قولت بلاش دبل كليك خااااالــص 

نبـدا نفتح البارتيشنات من الجمب زي كدا ونعمل زي الصوره 

:: صوره توضيحيه ::

لو انت طبقت الصوره اللي فاتت دي علي كل بارتيشن ومسحت الفولدرات كدا اقدر اقولك مبروك عليـك انت شيلت الاوتورن بطريقه يدويه وسهله كمان :-D:-D 

 اعمل بقا ريستارت لجهازك وسطب تعريفات الماذر بورد والشاشه وعيش حيــاتك 

لينك برنامج DR Web

:: اضغـط هنــا :: 

ملحوظه :- لو معرفتش تنزل دكتور ويب ممكن تعمل الخطوات اللي فاتت دي كلها ببرنامج أنتي فيرس ، بس يفضل برنامج دكتور ويب عشان احتمال الفيروسات تكون بوظت ملفات الانتي فيرس

Read More

فك تشفير مودم فودافون Vodafone K3770

بسم الله الرحمن الرحيم

 فك تشفير مودم فودافون Vodafone K3770

انهارده ان شاء الله هشرح كيفيه فك شفره فلاشه او مودم فودافون Vodafone K3770

ليعمل علي جميع الشبكات الاخري زي موبينيل او اتصالات.

بدايه ده شكل المودم ال بنتكلم عنه ال هوا 

Vodafone K3770

 المودم سرعته 7.2 ميجا علي عكس بعض مودمات اتصالات القديمه زي مودم ZTEMF100 وكنت شرحت ازاي تفك شفرته وتغير الداش بورد الخاص بيه او برنامج الاتصال في الموضوع ده كيفيه تركيب داش بورد للمودم الخاص بك | How to write new dashboard to your modem

هننزل النسخه الجديده من برنامج Dc-Unlocker من هنا اضغط للتحميل | Click to download

ده شكل البرنامج بعد التسطيب

بعد البرنامج ما يتعرف علي المودم بتاعنا هنضغط علي Unlocking ويمكن متابعه الموضوع ده للناس اللي مش فاهمه

الشرح هيكون علي مودم اتصالات Zte MF100

مفكوك الشـفره طبـعا D:

متطلبات الموضوع :-

1) ننــزل البـرنامج ده من هنــا " اضغط للتحميــل "

2) تركز معــايا وبلاش دماغك تسرح بعيـد

شرح فك شفره المودم للناس اللي مش عارفه تفكها تابع معايا تحت :-

1) بعد ما تنزل البــرنامج هتركب خطفي المودم غير الخط الاصلي للمودم " مثال " لو معاك مودم اتصالات هتركب خط فودافون مثلا 

او موبينيل المهم يكون خط غير نوع المودم 

2) هتلاقي برنامج المودم فتح ويقولك الشريحه غير مدعومه ، هتقفل برنامج المودم خالص وتروح للبرنامج اللي نزلته وتفتحه 

3) تابع الصوره                

كدا المودم اتفك وكله تمـام !!

نيجي بقي لنقطه  موضوعنا الاساسيه وهيا تركيب داش بورد للمودم !! 

واحد هيقولي ايه الداش بورد ده ؟؟ الداش بورد ده شكل برنامج اتصال المودم والايقونه يعني شكل برنامج اتصال فودافون غير موبينيل غير اتصالات كل شركه عامله داش بورد عليه اسمها وعلامتها ، اتمني تكون فكره الداش بورد وصلت !!

الاول هناخد نسخه من الداش بورد الاصليه تحسبا لأي غلطه منك

هنفتح البرنامج اللي فكينا بيه المودم وتابع الصوره 

كدا أخدنا نسخه من الداش بورد اللي علي المودم وهو الاصلي نيجي بقا لشرح تركيب الداش بورد الجديد

تابع 

هتسيبه شويه لحد ما يخلص واحذر من انك تشيل المودم خلال عمليه حفظ الداش بورد او كتابته 

داش بورد " huawei " للتحميل : اضغط هنــا

داش بورد " ZTE " للتحميل : اضغط هنـاكيفيه تركيب داش بورد للمودم الخاص بك |  

ملحوظه : في نوعين من فلاشه فودافون K3770 النوع الاول بيتفك والنوع التاني غير قابل لفك تشفيره 

سؤال من شخص بيقرأ الموضوع " ازاي هعرف فلاشتي بتتفك ولا لأ ؟ " هقولك تعرف ازاي

هات علبه الفلاشه وشوف رقم ال IMEI

لو الرقم الموجود زي ده 35XXXX045XXXXXXX

بمعني ان الرقم اللي بعد 0 45 او اقل هتقدر تفكها وتعيش براحتك

لو كان الرقم الموجود زي ده 35XXXX048XXXXXXX

بمعني ان الرقم اللي بعد 0 48 او 46 مش هتتفك . 

اي استفسار او طلب يرجي وضعه في تعليق 

في رعايه الله

Read More